بعد اكتشاف الكواكب الثماني المعروفة صنفوا العلماء بكواكب صخرية و هي الكواكب الأربعة الأولى و الكواكب الغازية اللي بتجي بعدا
و بعام 1930 اكتشف كوكب بلوتو و فورا صنفو العلماء على أساس انو هوي الكوكب التاسع
الصورة الأولى....
و بأواخر القرن العشرين باشرت اكتشافات كواكب جديدة متل (قعوار) اللي صننف على أساس كوكب وبعدو اهمل و بعدا بعام 2003 عند أعلن واحد أجدب انو اكتشف الكوكب العاشر بس مشان تصير العين علي و اتأكد اكتشافو بعام 2005 و سمو هاد الكوكب سيدنا و مرة تانية واحد أعلن انو اكتشف كوكب تاني اسمو ( يو بي 2003 ) أو زينا (xena)
الصورة التانية ....
قامو شلة علماء الإتحاد الفلكي العالمي اجتمعو مشان يصنفو الكواكب من أول و جديد و يسكتو هاد و هاد و خلصو بنتيجة انو حتى بلوتو المسكين مو كوكب من الأصل ..... ليش !!!!!
- أولا في شي اسمو حزام كويبر بعيد عن الشمس حوالي 30 وحدة فلكية (و الوحدة الفلكية هي متوسط المسافة بين الأرض و الشمس ) و بيمتد الى 100 أو 150 وحدة فلكية و هاد الحزام بيحوي كتير من الأجسام الشبيهة ببلوتو و هي المصدر التاني للمذنبات و النيازك بعد حزام الكويكبات بين المريخ و المشتري و هي الأجسام كلها من نفس النوعية ... عبارة عن أجسام صغيرة ما بتتعدى حجم القمر سموها الأقزام الجليدية .
الصورة التالتة ...
- بالنسبة لبلوتو عندو شوية شواذ عن الكواكب الباقية :
1- ميل مستوي دورانو بالنسبة لمستوي دوران الأرض هوي 17 درجة في حين انو ميلان مستوي الكواكب التانية ما بيتخطى 7 درجات في عطارد و بعدا 2.4 درجة في زحل و الباقي أقل من 2 درجة .
2- الفرق بين البعد الأعظمي و البعد الأصغري من الشمس كبير جدا بالنسبة للكواكب التانية (البعد الأصغري حوالي 30 وحدة فلكية و الأعظمي 48 وحدة فلكية ) .
3- الفرق التالت و هو اللي ذكرنا سابقا انو هو كوكب صخري متجمد الغلاف الجوي بعد الكواكب الغازية الأربعة ووقوعه في حزام كويبر .
و هيك ارتحم بلوتو و صار بعداد الأموات بالنسبة للكواكب التمانية التانية بس مشان حبيبنا بلوتو ما يزعل قام العلماء في الإتحاد الفلكي العالمي وضعوا مجموعة جديدة برئاسة بلوتو و سموها البلوتونات و رح ينضملها أي جسم تاني رح يكتشفو بالمسقبل .
السبت يناير 26, 2008 5:00 am
